有福氣的主人

有一個人，請了一個內地來的泥水師傅和他起新屋，這個主人對待泥水
師傅非常周到，三日、兩日就弒一隻雞仔來招待泥水師傅。但是，雞肉
端出來介時節，都無看到泥水師傅好吃介雞胗、肝等內臟，泥水師傅心
肝肚想，這主人家仰會按小氣，按貪吃，都毋願意拿雞胗、肝來請佢等
吃，所以感覺到盡毋歡喜，就在佢起介新屋當中造了一條大船，想愛咒
壞主人，撐給它死。結果，師傅的徒弟，幫忙起屋時又盡感激主人對佢
介招待，就在牆肚裡造了一條細船仔，讓他可以順利出入發展。

最後屋起好了，泥水師傅離開時節，主人就拿一個飯包盒裝了飯菜給他
帶轉去，在船頂好吃。泥水師傅行到渡船頭候船介時節，打開飯包盒來
看，發現當中裝著很多雞胗、雞肝等內臟，拿來一算，剛好是主人所弒
介雞仔介數量。原來主人對他不薄，將雞胗、肝等拿來醃製起來送分佢
，並無自家拿來吃掉，心肝肚想，壞咧！冤枉到主人了。

於是和徒弟說：「等一下仔，我愛轉去主人屋家一下。」徒弟問講做麼
介？師傅便將緣由和徒弟講，他為了報復，所以在房屋肚造了一條大船
，想愛咒壞主人，撐給它死。。徒弟就說：「毋使咧，毋使咧，我已經
造了一條細船仔讓他可以順利出入發展了。」泥水師傅聽了後講：「好
心介人還係有好介福氣。」